Brukseli përpiqet të zvogëlojë tensionin në ishujt grekë për çështjen e refugjatëve. Dy janë rrugëzgjidhjet që ka gjetur BE-ja; duke zhvendosur të mitur në vendet e tjera të Evropës ose duke stimuluar me para kthimin vullnetar në vendet e tyre të origjinës.
Rreth 40,000 refugjatë në kampe me më shumë se 5,000 persona, dëshmojnë nevojën për masa të tilla, megjithëse këto dy nisma do të kenë një ndikim relativ.
Komisioneri Evropian, Ylva Johansson, njoftoi një program të përkohshëm për të paguar 2,000 euro për secilin refugjat, i cili pranon një riatdhesim vullnetar .
“Është një mundësi që do të jetë e hapur për një muaj … për të lehtësuar pak presionin mbi ishujt dhe njerëzit që janë në kampe”, tha komisioneri, duke specifikuar që migrantët që kanë mbërritur në ishujt para 1 maji do të përfitojnë.
Shtatë vendet evropiane do të presin 1.600 refugjatë të mitur të pashoqëruar në Greqi.
Nga ana tjetër, komisioneri dha shifrat për numrin e të miturve të pashoqëruar që mund të zhvendosen në vendet e tjera.
Për momentin, 1.600 do të transferohen në shtatë vende evropiane që janë bërë vullnetare për t’i pritur ata. Këto janë Gjermania, Portugalia, Franca, Irlanda, Luksemburgu, Kroacia dhe Finlanda, dhe shpërndarja e brendshme nuk është vendosur ende.
Në këtë mënyrë, një pjesë e 5,000 fëmijëve dhe të miturve do të riatdhesohen pa u shoqëruar me refugjatë në ishujt Grekë. Burimi: lavanguardia, Përshati Fjala.al
