Në ditët kur Itali është në izolim total për shkak të koronavirusit, kompanitë e telefonisë celulare kanë ofruar minuta dhe internet pa limit për abonentët e tyre, si mënyrë për t’iu gjendur pranë.
Që prej pezullimit të shkollave dhe universiteteve, nxënësit dhe studentët po studiojnë online.
Po ashtu edhe ata që janë në punë dhe mund të punojnë online, prej një jave tashmë, po punojnë nga shtëpitë, kështu që internet falas është një mundësi e mirë ofruar nga kompanitë italiane.
Po në Shqipëri. Sapo u përhap Koronavirusi dhe qëveria filloj që të marrë masa, për dy ditë dëgjohej vetëm zëri i kryeministrit kur përpiqeshe të bëje telefonatë dhe shpesh mbyllej.
Një ditë më parë, edhe Partia Demokratike i kërkoi qeverisë të kërkojë nga kompanitë celulare të ofrojnë internet falas për për të ndihmuar fëmijët që po mësojnë online në këto ditë izolimi.
Vetëm një muaj më parë Gazeta Fjala denonconte rritjen e tarifave dhe heshtjen e qeverisë.
Rritja me 200 lekë e paketave me parapagesë nga Vodafone dhe Albtelekom nuk ka shkaktuar asnjë reagim nga institucionet shtetërore, qeveria apo opozita. Të gjithë po heshtin mbi vendimin e kompanive telefonike për shtuar shpenzimet për qytetarët shqiptarë në mënyrë të papritur.
