Ndërsa njerëzit janë të vetë-izoluar dhe rrugët janë bosh, në Berat vihet re një rritje e ndjeshme e çmimeve.
Marketet, ushqimoret dhe farmacitë kanë ndryshuar çmimet e produkteve. Kështu 320 lekë kushton 1 kg limon, dezinfektantët 600-700 lekë dhe maskat 500 lekë.
Dy ditët e fundit në Berat, frutat dhe perimet kanë pësuar një rritje me 40-45%, krahasuar me javë më parë. Në kuadër të panikut për përhapjen e koronavirusit, të shumtë kanë qënë qytetarët beratas që kanë vërshuar drejt tregjeve të fruta-perimeve,ku produktet më të kërkuara janë ato me përmbajtje të vitaminës C.
Dezinfektantët ditë më parë kushtonin vetëm 150 lekë, ndërsa sot një i tillë kushton plot 600 lekë. Kjo rritje vjen në një periudhë kur kërkesa e qytetarëve për këto podukte është mjaft e lartë pasi ata po kërkojnë të mbrojnë veten në një kohë kur koronavirusi ka shpërthyer gjithandej.
