Rreth 54 shqiptarë të Shqipërisë dhe Kosovës janë bllokuar në Aeroportin Ndërkombëtar të Shkupit.
32 shqiptarë shtetas të Republikës së Shqipërisë dhe 22 shqiptarë, shtetas të Republikës së Kosovës janë bllokuar në aeroport menjëherë sapo janë kthyer nga Katari.
Ata nuk mund të lëvizin në asnjë prej vendeve pasi Shqipëria dhe Kosova kanë mbyllur kufijtë për shkak të koronavirusit, transmeton Alsat.
Duke qenë se Kosova dhe Shqipëria kanë mbyllur të gjithë kufijtë tokësorë nuk dihet se si do të veprohet me 54 shqiptarët, nëse do të mund të shkojnë në shtëpitë e tyre apo do të gjendet një zgjidhje tjetër.
