Ushtronte dhunë fizike dhe psikologjike ndaj nuses së djalit dhe e kërcënonte se do ta vriste. Për këto arsye policia e vënë në pranga një një 65-vjeçar në Lezhë.
Mësohet se policia ka ndërhyrë në kohë duke parandaluar përshkallëzimin e ngjarjes dhe ka arrestuar 65-vjeçarin.
Gjithashtu, policia ka sekuestruar 2 armë gjahu dhe municion luftarak në banesën e të arrestuarit, banues në Ishull, Shëngjin.
“Ky shtetas në banesë, në prezencë të dy nipërve të mitur, ushtronte dhunë fizike dhe psikologjike ndaj bashkëshortes së djalit të tij duke e kërcënuar se do ta vriste me armë zjarri. Policia me marrjen e njoftimit ka ndërhyrë menjëherë duke parandaluar përshkallëzimin e mëtejshëm të dhunës dhe ka vënë në pranga autorin” njofton policia.
Materialet i kaluan Prokurorisë së Rrethit Gjyqësor Lezhë në ngarkim të shtetasit të lartpërmendur për veprat penale “Dhunë në familje” dhe “Armëmbajtje pa leje”. /Fjala.al
