Koronavirusi ka marrë deri më tani më shumë se 2,200 jetë në gjithë Evropën, ku vendi më i goditur është Italia.
Vetëm në 24 orët e fundit në vendin fqinj (Itali) gjetën vdekjen nga koronavirusi 368 persona.
Gjithsej në të gjithë Evropën numri i viktimave nga koronavirusi ka shkuar në 2291, ku në Itali kanë ndërruar jetë 1809 persona.
Italia është vendi më i prekur nga koronavirusi pas Kinës. Në Francë, numri i vdekjeve kapërceu në një ditë nga 91 në 120, ndërsa numri i personave të infektuar është rritur me 1 mijë.
Evropa në tërësi ka shënuar mbi 500 vdekje të reja në 24 orët e fundit dhe 52.400 të infektuar.
Në Itali, numri i të infektuarve ka shënuar rekord me 3509 në 24 orët e fundit. Në total, 24.747 njerëz janë infektuar në Itali me koronavirusin që është përhapur në të gjithë botën.
Milano është rajoni më i prekur me 1.218 të vdekur dhe 13.227 raste të infektuar. Sa i
përket vdekjeve nga koronavirusi në gjithë botën, ato shkojnë në mbi 6.000.
Kina kryeson numrin e vdekjeve me 3,199 viktima, por tashmë Evropa është shndërruar në vatrën e pandemisë globale që po përhapet me shpejtësi dhe deri më tani nuk dihet se kur do të mbarojë.
