Kinezët kanë bërë një zbulim së fundmi lidhur me grupin e gjakut të njerëzve dhe sa mund të preken ata nga koronaviursi bazuar në grupin e tyre të gjakut.
Sipas studiuesve kinezë, personat me grupin A të gjakut janë më të ekspozuar nga koronavirusi, ndërsa ata me grup gjaku 0 janë shumë më rezistentë.
Ky është konstatimi që bën një grup hulumtuesish kinezë të cilët punën e tyre e publikuan në ueb-faqen medRxiv.
Shkencëtarët kinezë kanë analizuar të dhënat e 2 mijë pacientëve nga spitalet e Wuhanit në Shenzhen, përfshirë edhe më shumë se 200 tjerëve që kanë ndërruar jetë.
Sipas të dhënave të tyre, në mesin e banorëve të Wuhanit, 34 për qind kishin grupin e gjakut 0, 32 me grupin A (II), 25 për qind me B (II) dhe 9 për qind me AB (IV).
Në anën tjetër, numri më i madh i banorëve të infektuar me koronavirus në Wuhan, ishin ata me grupin e gjakut A me një total prej 38 për qind, ndërsa 26.4 me grupin B, 25.8 me zero. Numri më i vogël i pacientëve ishin ato me grupin e gjakut AB – më saktësisht 10 për qind.
