Policia arrestoi sot dy vëllezërit Klement dhe Eldi Çala për grabitjen spektakolare në prill të vitit të kaluar në Rinas ku u vodhën rreth 6 milionë euro. Të dy vëllezërit janë dërguar menjëherë në Drejtorinë e Policisë Tiranë, ku Fjala.al ka kapur momentet e shoqërimit të tyre nga forcat e policisë brenda Drejtorisë së Policisë. Ashtu siç duket në fotot e kapur nga Fjala.al, të dy vëllezërit janë dërguar në Drejtorinë e Policisë nën masa të forta sigurie.
Ndërkaq, në një njoftim për mediat policia shpjegoi të gjitha detajet e operacionit.
Njoftimi i Policisë: Megaoperacion për kapjen e personave me rrezikshmëri të lartë shoqërore ne fushën e vjedhjeve me armë.
Operacioni, nga Departamenti i Policisë Kriminale, Forca e Posaçme Operacionale në Policinë e Shtetit, njësia speciale FAST Albania, RENEA dhe Drejtoritë Vendore te Policisë Durrës, Tiranë e Elbasan. Në operacion janë përfshirë 300 forca policore.
Sekuestrohen armë zjarri, sasi të mëdha vlerash monetare dhe automjete. Arrestohen vëllezërit Klement dhe Eldi Çala. Vëllezërit, të akuzuar për një sërë grabitjesh më armë dhe dhunë në zonën e Rinasit dhe në aeroportin e Rinasit. Për detaje të mëtejshme të operacionit do t’ju njoftojmë në përfundim të operacionit.
