Kreu i Partisë Demokratike, Lulzim Basha i është kundërpërgjigjur kryeministrit Rama duke i bërë thirrje që të japë 120 milionë eurot e PPP-ve për të përballuar situatën me koronavirusin.
“Sa keq për çdo shqiptar kur kryeministri në vend që të japë MENJËHERË 120 milion eurot e ppp-ve për shëndetin dhe bukën e gojës së mijëra familjeve, merret gjithë ditën me sulme kundër opozitës dhe bëhet mburojë e vjedhjeve dhe korrupsionit të oligarkëve dhe tenderave të luksit”, shkruan Basha në Twitter.
Sa keq për çdo shqiptar kur kryeministri në vend që të japë MENJËHERË 120 milion eurot e ppp-ve për shëndetin dhe bukën e gojës së mijëra familjeve, merret gjithë ditën me sulme kundër opozitës dhe bëhet mburojë e vjedhjeve dhe korrupsionit të oligarkëve dhe tenderave të luksit.
— Lulzim Basha (@lulzimbasha_al) March 19, 2020
Ndërkaq, më herët Rama sulmoi Bashën duke i kujtuar edhe “gafën” 7×7=42 është zgjuar sot me rritje shifrash dhe deri kur të mbarojë lufta do i çojë në nivelin e një vendi të G7-ës” .
Po ashtu Rama shprehet se aktorëve të Portokallisë po i bëhet konkurrencë e pandershme nga lideri opozitar.
“Plani 7×7=42 është zgjuar sot me rritje të shifrave! Deri kur të mbarojë lufta shifrat do kapin nivelin e një vendi të G7-ës! Pritet shifra e parashikuar nga Plani për aktorët e Portokallisë, meqë janë mbyllur në shtëpi ndërkohë që po u bëhet konkurrencë e pandershme nga 7×7=42!”, shkroi Rama.
Plani 7×7=42 është zgjuar sot me rritje të shifrave! Deri kur të mbarojë lufta shifrat do kapin nivelin e një vendi të G7-ës! Pritet shifra e parashikuar nga Plani për aktorët e Portokallisë, meqë janë mbyllur në shtëpi ndërkohë që po u bëhet konkurencë e pandershme nga 7×7=42!
— Edi Rama (@ediramaal) March 19, 2020
