Një ngjarje e rëndë ka ndodhur pasditen e sotme në qytetin e Durrësit teksa një 28-vjeçar ka tentuar të hidhet nga kati i pestë, pasi nuk duronte të qëndronte i mbyllur në shtëpi nga koronavvirusi.
Mësohet se i riu ka dashur të dalë jashtë nga shtëpia, duke thyer kështu urdhrin e qeverisë dhe rrezikuar një gjobë të majme, por bashkëshortja nuk e ka lejuar duke e mbyllur brenda.
Pasi kishte provuar disa herë të dalë, në gjendje të rënduar psikologjike ai tentoi të hidhet nga dritarja por gruaja e tij ka njoftuar policinë e cila i ka ardhur në ndihmë duke e futur sërish brenda në shtëpi. “Doja të hidhesha. Nuk mund të rri dot më brenda”,-ka thënë i riu pasi është shpëtuar nga policia.
Njoftimi i policisë:
Më datë 19.03.2020, rreth orës 15:00, si rezultat i një reagimi të menjëhershëm i sherbimeve të Policisë së Rendit pasi konstatuan se një shtetas po tentonte të vet’hidhej, nga kati i 5 i një pallati, në lagjen nr 1, Durrës, u bë i mundur shpëtimi në kohë i shtetasit S.M.,28 vjeç, i cili ndodhet në gjëndje të mirë shëndetësore./Fjala.al/
