Kreu i Partisë Demokratike, Lulzim Basha ka reaguar pas njoftimit nga ambasadorja e SHBA-së në Tiranë, Yuri Kim, se vendi ynë do të përfshihet në listën e shteteve që do ndihmohen me 100 milionë dollarë në luftën kundër koronavirusit.
“Ne nuk jemi vetëm! Faleminderit për miqësinë dhe ndihmën në ditë të vështira”, shkruan Basha.
“Shtetet e Bashkuara kanë premtuar deri në 100 milionë dollarë për të ndihmuar miq si Shqipëria dhe vende të tjera për të luftuar COVID-19. Kjo mbështetet në asistencën më të gjerë që ka ndihmuar në ngritjen e kapaciteteve dhe forcimin e infrastrukturës. Ne do t’ia dalim së bashku – si gjithmonë. Jemi ende me Shqipërinë”, njoftoi sot Ambasada e SHBA.
