70 raste janë identifikuar aktualisht në Shqipëri të infektimit me koronavirus, ndërkohë që jo të gjithë kanë nevojë për terapi intensive. Por pas një muaji, shifra e personave të infektuar që do kenë nevojë për terapi intensive mund të arrijë, në rastin më të mirë, në 1070.
Studiuesi Taulant Muka ka publikuar disa projeksione që tregojnë skenarët për vendin tonë në përballjen me koronavirusin. Nëse nuk do të ishte marrë asnjë masë parandaluese, më 18 prill në Shqipëri do të kishte 22 mijë persona që do të kërkonin terapi intensive.
Skenarët e publikuar nga Taulant Muka
Si do të dukej Shqipëria në datë 18 prill? Poshtë janë projeksionet në varësi të masave që do ndërmerrnim për numrin e personave që do kërkonin terapi intensive.
- Asnjë masë: rreth 22 mijë persona
- Vetëm mbyllja e universiteteve/shkollave: rreth 12 mijë persona
- Zbulim i hershëm dhe izolim i rasteve: rreth 6 mijë persona
- Zbulim i hershëm dhe izolim i raste, + karantinë shtëpiake: 2695 persona
- Zbulimi i hershëm dhe izolimi i rasteve + karantinë shtëpiake + distancim social i atyre mbi 70 vjeç: 1070 persona
Përfundimi: Nuk mjafton vetëm një masë për të kontrolluar kurbën epidemike, por kombinim i disa masave!
