Italia është duke jetuar situatën më dramatike të viteve të fundit. Aty numërohen 47 mijë të infektuar e deri më sot kanë vdekur mbi 4 mijë njerëz.
Më të rrezikuarit janë mjekët, ata që ndodhen në vijën e parë të kësaj pandemie dhe që po luftojnë çdo ditë për të shpëtuar jetë njerëzish.
Mbi 3650 mjekë infermierë e punonjës shëndetësor italianë janë të infektuar nga koronavirus e mosha mesatare e tyre është 49 vjeç.
Mesatarisht personeli mjekësor pozitiv nga COVID -19 është i moshës 49 vjec ndërsa në nivel të përgjithshëm është 63 vjeç.
Gjithashtu sa i takon gjinisë, tek punonjësit sanitarë të infektuar nga COVID-19 numri më i lartë është regjistruar tek femrat pasi meshkujt përbëjnë vetëm 35.8% të tyre.
Kritike paraqitet situata sidomos në provincën e Bergamos ku sistemi shëndetorë ka apeluar se ka mungesë personeli e shtretërish për pacientët për shkak të numrit të lartë të tyre dhe pse në këtë territor është regjistruar numri më i lartë i mjekëve dhe infermierëve të infektuar nga koronavirusi.
