Italia vijon të goditet nga vdekjet si pasojë e koronavirusit. Vetëm në 24 orët e fundit janë shënuar rreth 800 viktima nga Covid-19.
Sipas autoriteteve italiane bilanci i 24 orëve të fundit sa i përket të prekurve me koronavirus, vijon të rritet, ku numri i viktimave ka shkuar në 4825, ndërsa në 24 orët e fundit janë shënuar 793 viktima.
Rastet janë shtuar me 4821 duke e çuar në 42681 numrin total të rasteve aktive. Numri i të shëruarve ka shkuar në 6072 dhe 2857 janë në gjendje kritike.
Sa i përket vdekjeve në nivel global ato kanë arritur në 12773.
Nga viktimat e ditës së sotme vetëm në zonën e Lombardisë e cila është edhe epiqendra e koronavirsut janë shënuar 546 viktima në 24 orët e fundit.
