Është regjistruar viktima e parë nga koronavirusi në Maqedoninë e Veriut dhe mësohet të jetë 57-vjeçarja nga Kumanova, e cila u konstatua pozitive pasi ndërroi jetë mbrëmjen e kaluar.
Gruaja fillimisht në dy testet e para të bëra për Covid-19 rezultoi negative, por pas vdekjes ajo rezultoi se kishte koronavirus.
“Kemi rastin e parë të vdekjes nga koronavirusi. Është diagnostifikuar pas vdekjes mbrëmë vonë në Kumanovë. Bëhet fjalë për një grua të moshës 57 vjeçe. Sa i përket pranimit dhe tretamentit, dua të them që kolegët kanë vepruar në bazë të protokollit. Me kohë janë bërë dy teste, që të dy testet kanë treguar rezultat negativ, ajo është trajtuar në izolim. Periudha e izolimit ka ndodhur javën e kaluar. Është marrë bris edhe pasi është konstatuar vdekja dhe ka rezultuar pozitiv”-tha Venko Filipçe.
Filipçe po ashtu shtoi se dhe djali 33- vjeçar i viktimës është dërguar në spital tre ditë më parë teksa sot gjendet në shërbimin infektiv pasi shfaqi komplikacione. Deri më tani Maqedonia shënon 114 persona të prekur nga koronavirusi./Fjala.al/
