Ministria e Shëndetësisë në Maqedoni ka konfirmuar se një pacient me koronavirus vdiq në Klinikën e Sëmundjeve Infektive në Shkup. Bëhet fjalë për një burrë në moshën 63 vjeçare nga Dibra, i cili ka pësuar një përkeqësim të menjëhershëm.
Pacienti u shtrua në spital në Klinikën e Sëmundjeve Infektive më 17 Mars, pa ethe, por u zbulua se kishte probleme në frymëmarrje.
Gjatë natës gjendja e tij u përkeqësua në mënyrë të papritur, ai menjëherë u intubua, u vendos në një aparat të frymëmarrjes, por brenda disa orësh gjendja e tij u përkeqësua më tej dhe pacienti vdiq.
