Presidenti Ilir Meta ka theksuar se do të ketë një tryezë të aktorëve kryesorë politikë dhe shtetëror për të përballuar situatën e vështirë nga koronavirusi.
Meta theksoi se ai do të thërrasë mbledhjen e Këshillit të Sigurisë, liderin e PD-së Lulzim Basha, ku i pranishëm do jetë dhe kryeministri Edi Rama.
Sipas kreut të shtetit, brenda dy ditëve pritet të thërritet Këshilli i Sigurisë, për një unitet mes palëve lidhur me situatën që po kalon vendi.
“Unitet përballë pandemisë ka qenë qasja ime që me fillimin e kësaj pandemie. Besoj që pas dy ditësh do thërras mbledhjen e Këshillit e Sigurisë ku do t’i bëj ftesë edhe z. Basha që të shprehë aty disa nga pikëpamjet e tij dhe të njihet me masat që janë marrë nga qeveria. Qasja duhet të jetë gjithëpërfshirëse. Nuk është koha për të nxjerre përfitime politike nga askush”, tha Meta për emisionin ‘Open’ në Top Channel.
