Drejtori i Përgjithshëm i OBSH-së Tedros Adhanom Ghebreyesus ka theksuar se koronavirusi është duke u përhapur me shpejtësi, ndërsa ka dhënë shifrat e deritanishme të pandemisë globale.
“U deshën 67 ditë për të arritur në njëqind mijë infeksionet e para, njëmbëdhjetë ditë për 200 mijë dhe katër ditë për 300 mijë”, është shprehur ai.
Nga ana tjetër Organizata e Kombeve të Bashkuara ka bërë thirrje për një armëpushim mbarëbotëror.
“Furia e koronavirusit tregon çmendurinë e luftës. Kjo është arsyeja pse unë kërkoj një armëpushim global dhe të menjëhershëm në të gjithë cepat e botës. Është koha për të ndaluar konfliktet e armatosura dhe të përqendrohemi në luftën e vërtetë të jetëve tona. Palëve në luftë iu them: tërhiquni nga armiqësitë”, ka apeluar sekretari i përgjithshëm i OKB-së, Antonio Guterres.
“Të mos harrojmë se në vendet e shkatërruara nga lufta, sistemet shëndetësore janë shembur”, ka shtuar ai.
