Italia ishte vendi i parë që u solidarizua me personelin shëndetësor dhe këdo që është në krye të detyrës në luftën ndaj koronavirusit, duke dalë e duartrokitur për ta në dritare e ballkone.
Këtë shembull e ndoqën më pas shumë vënde të tjera me mënyrat e tyre dhe së fundmi edhe Franca është solidarizuar me këta persona.
Mbrëmjen e djeshme kulla Eiffel ka dhuruar spektakël dritash si shenë falenderimi për personelin shëndetësor që këto ditë nuk po qëndron në shtëpi pranë familjeve, por janë në shërbim të popullit dhe në vijën e parë të frontit ndaj koronavirsuit.
Kulla Eiffel prej një jave është e mbyllur për vizitorët për shkak të masave kundër përhapjes së koronavirusit, por tradicionalisht tashmë çdo orë 8 të mbrëmjes ajo ndizet përreth 5 minuta.
Franca po ashtu si shumë vende të tjera është goditur shumë nga koronavirusi, duke numëruar 16 mijë të prekur nga të cilët 674 viktima dhe 2 mijë e 200 të shëruar./Fjala.al/
