Në shtetet e Teksasit dhe Ohio-s në SHBA janë urdhëruar shtyrja e të gjitha operacioneve jo urgjente, përfshirë abortet, për shkak të përhapjes së koronavirusit.
Ky vendim është kritikuar ashpër nga avokatët e së drejtës së grave pasi e konsiderojnë si një mashtrim “ideologjik” dhe theksojnë se aborti nuk mund të presë.
Guvernatori i Teksasit, Greg Abbott ka urdhëruar të shtunën (21 mars) që të shtyjë operacionet mjekësore që nuk janë të nevojshme për të siguruar që shtretërit të jenë në dispozicion për personat e infektuar me COVID-19.
Ky rregull vlen për abortet përveç nëse jeta e gruas është në rrezik, tha prokurori i përgjithshëm Ken Paxton. “Ata që shkelin mandatin e guvernatorit do të ndëshkohen me ligj,” tha ai në një deklaratë, duke përmendur deri në 180 ditë burg dhe një gjobë prej 1.000 $.
Në Ohajo, prokurori i përgjithshëm lokal i ka dërguar me postë elektronike vendimin tre klinikave qe duhet te ndalojne operacionet.
Gjykata Supreme e Sh.B.A njohu në vitin 1973 të drejtën e të gjithë amerikanëve për abort, por i la shtetet të lira për të ligjëruar ndërsa gjykojnë se si do të zbatonin këtë praktikë.
Ndërkohë numri i të prekurve në ShBA është 46.805 persona prej të cilëve 593 kanë humbur jetën.
