Organizata e Kombeve të Bashkuara ka ngritur alarmin teksa parashikon se epiqendra e radhës e koronavirusit mund të jenë Shtetet e Bashkuara të Amerikës.
Një zëdhënës i OBSH-së ka theksuar se në 24 orët e fundit, 85 për qind e rasteve të reja me koronavirus janë regjistruar vetëm në Evropë dhe në SHBA.
Sipas tij, Shtetet e Bashkuara mund të jenë epiqendra e radhës e koronavirusit, i cili u ka marrë jetën deri tani mbi 17 mijë personave në mbarë botën.
Në SHBA deri më tani janë konfirmuar mbi 46,450 persona të infektuar me koronavirus, ndërsa në 24 orët e fundit janë shënuar rreth 100 viktima.
Në total, numri i atyre që kanë humbur jetën shkon në 593 sipas të dhënave të ‘Johns Hopkins University’.
