Sindikata e Futbollistëve Shqiptar ka njoftuar se janë vënë në dijeni se disa klube po u bëjnë presion lojtarëve të tyre për të dalë në stërvitje, duke i kërcënuar edhe me gjoba.
Përmes një postimi në faqen zyrtare në “Facebook”, SFSH njofton se për këtë do të vejë në dijeni autoritetet më të larta shtetërore, të marrin masa administrative ndaj të gjithë personave përgjegjës në klubet e futbollit.
Njoftimi i SFSH:
Sindikata e futbollistëve shqiptar siç ju ka venë ne dijeni më parë, është vënë në dijeni përsëri se disa klube po vënë në presion futbollistët duke i kërcënuar me gjoba që ata të dalin ne stërvitje.
Sindikata e futbollistëve shqiptar do të vejë në dijeni autoritetet më të larta shtetërore që në përputhje me aktin normativ nr 3 date 15/3/2020 të marrin masat administrative ndaj të gjithë personave përgjegjës në klubet e futbollit.
