Turqia ka regjistruar shtatë vdekje të reja nga koronavirusi ndërsa janë konfirmuar dhe 293 raste të reja. Lajmi është konfirmuar nga Ministri i Shëndetësisë Fahrettin Koca përmes një postimi në Twitter, i cili tha se gjatë 24 orëve janë kryer 3,672 testime.
“Rastet e prekura ishin kryesisht të ardhur nga jashtë vendit, por përmes kontakteve numri i të infektuarve është rritur. Mund të them se virusi tashmë është shpërndarë në gjithë vendin”., është shprehur ministri gjatë një konference për mediat ditën e djeshme.
Deri më tani në Turqi janë regjistruar 37 vdekje dhe 1,529 persona të infektuar./Fjala.al
