E ndërsa të gjithë janë duke shpresuar për një largm sa më të shprejtë të koronavirusit dhe ulje të numrit të viktimave e tëprekurve, Prof. Dr. Masoud Mardani, anëtari i Komitetit Shkencor për Covid-19 në Iran, paralajmëroi për “katastrofë” në rast se nuk zbatohet ndalesa e udhëtimit në vendin ku kanë humbur jetën afër 2.000 persona nga pandemia.
Mjeku tha se shpejtësia e përhapjes së virusit në Iran është më e lartë se ajo në Kinë.
“Ne e vërejtëm epideminë pasi u përhap në vend. Rastet e para të konfirmuara në Qom, ishin shfaqur disa javë më parë. Nuk u realizua izolimi gjatë kësaj periudhe dhe epidemia që filloi në Qom u përhap edhe në qytetet tjera”,-u shpreh ai.
Më tej Mardani theksoi se në ditë 100 deri 150 persona humbin jetën nga COVID-19, ndërsa mijëra diagnostikohen me virusin, duke shtuar se të dhënat që i publikon ministria e shëndetësisë janë vetëm rastet që regjistrohen nëpër spitale.
“Në rast se nuk parandalohen vizitat për festën e Nevruzit, kjo do të thotë se katastrofa është pranë derës”,-shtoi studiuesi.
Mjeku iranian më tutje theksoi se një pjesë e popullit nuk e marrin me seriozitet epideminë, duke shtuar se sanksionet e SHBA-së ndaj Iranit ndikojnë negativisht në luftën kundër coronavirusit, ndërsa vlerësoi ndihmat nga Turqia.
“Sanksionet e SHBA-së shkaktojnë rritjen e vdekjeve. Në krye të vendeve që dërguan ndihma humanitare në Iran janë Turqia, Katari, Kina dhe Emiratet e Bashkuara Arabe”.-tha ai.
Mardani foli edhe për luftën e devotshme të personelit mjekësor kundër COVID-19 dhe theksoi faktin se kjo sëmundje në vendin e tij u shfaq fillimisht në qytetin Qom më 19 shkurt e më pas u përhap në vende të tjera.
“Vetëm në Qom, 40 doktorë dhe 130 infermiere rezultuan pozitiv me coronavirus. Shumë doktorë dhe infermierë i humbëm në këtë luftë”, u shpreh mjeku për mediat vendase.
Numri i viktimave nga COVID-19 në Iran është rritur në 1.934, pasi 122 persona kanë humbur jetën në 24 orët e fundit./Fjala.al/
