Ndërsa të gjithë janë të mbyllur në shtëpi për shkak të koronavirusit është mëse normale të të shkojë mendja për një gotë pije alkoolike, por mesa duket kjo nuk është një ide e mirë.
Kjo jo vetëm që përdorimi i alkoolit kundër anksiozitetit nuk është i mirë për shëndetin tuaj mendor, por ekspertët thonë që në këtë mënyrë mund të dobësoni sistemin tuaj imunitar dhe kjo është më e pakta që duhet të bëni gjatë pandemisë globale.
“Konsumimi i sasive të mëdha të alkoolit mund të shkaktojë dëmtime të qelizave imunitare në mushkëri dhe në sistemin e sipërm respirator”, -ka thënë dr. Aragona Giuzeppe për mediat italiane dhe shton që mund të rrisë rrezikun nga zhvillimi i tuberkulozit, inflamacionit të mushkërive dhe problemeve respiratore, ndërsa të mos përmendim që jeni të rrezikuar nga viruset.
Më tej ai ka shtuar se alkooli ndikon në barrierën e zorrëve dhe mundëson që më shumë baktere të kalojnë në gjak, ndërsa kjo, nga ana tjetër, shkakton shkatërrimin e tri llojeve të qelizave të sistemit tuaj të imunitetit, makrofagët dhe qelizat T dhe C.
Makrofagët e qelizave qëndrojnë në linjën e parë të mbrojtjes së organizmit nga sëmundjet. Ato shkatërrojnë çdo gjë atje ku nuk do të duhej të ishin dhe mbrojnë trupin tuaj nga patogjenët.
Qelizat T janë antitrupa për sëmundje specifike, sepse dinë saktësisht si t’u kundërvihen llojeve specifike të viruseve. Kur këto qeliza shtypen, sistemi juaj i imunitetit është më pak efikas në identifikimin dhe shkatërrimin e patogjenëve.
Duhet të jeni të kujdesshëm në gjithçka edhe gjatë kësaj periudhe të vështirë dhe përkushtojuni pasionit tuaj apo gjërave në të cilat kënaqeni, por të cilat nuk dëmtojnë organizmin tuaj./Fjala.al/
