Kryetari i qeverisjes rajonale të Lombardisë në Itali, Attilio Fontana, ka bërë të ditur se mbrëmjen e së mërkurës (dje) se në Bergamo do të mbërrijë një ekip mjekësh nga Rusia.
“Në orën 19:00, një grup mjekësh e infermierësh do të vijnë në Bergamo nga Rusia. Është një staf prej 150 personash”,-tha Fontana.
Ndërsa, dy ditë më parë, një ekip mjekësh prej 53 personash nga Kuba mbërritën në Itali për t’i ardhur në ndihmë duke qenë se situata në këtë vend është shumë e rëndë.
Megjithatë pavarësisht ndihmës së madhe mjekësore nga vende të shumta, në Itali numri i viktimave dhe të prekurve nga koronavirusi vazhdon të rritet me ritme të frikshme.
Vetëm gjatë ditës së sotme në Itali humbën jetën edhe 4 mjekë të tjerë, duke e çuar në 29 numrin e të vdekurve mes bluzave të bardha. Kujtojmë që deri tani në Itali kanë humbur jetën 6820 persoma dhe mbi 50 mijë janë infektuar. Ndërsa raportohem mbi 5 mijë persona të stafit shëndetësor të prekur nga virusi vdekjeprurës./Fjala.al/
