Rritja e numrit të viktimave dhe të prekurve nga koronavirusi bëri që të gjitha kampionatet e futbollit në Europë e jo vetëm të ndërpriten, duke i mbajtur lojtarët larg fushës së blertë, të cilët tani bëjnë stërvitje individuale në shtëpitë e tyre.
Megjithatë duket se mesfushori i Barcelonës, Frenki De Jong nuk ka mundur të durojë më gjatë pa hyrë në fushë.
Lojtari i Barçës ka dalë nga shtëpia e tij, në Amsterdam ku dhe është duke jetuar momentalisht, teksa ka vënë një kapuç për të mos u dalluar dhe ka shkuar të stërvitet në një fushë afër. Ndërsa ajo që ka tërhequr më shumë vëmendje është fakti se futbollisti mban të veshura një palë tuta të Ajaksit, që duken se është ekipi që ai ka në zemër./Fjala.al/
