Kreu i grupit parlamentar të Lidhjes Demokratike të Kosovës, Arben Gashi i ka kërkuar kryeministrit Albin Kurti dhe Ministrit të Punëve të Jashtme, Konjufca që të publikojnë marrëveshjen e fshehtë të Kosovës me Serbinë, në mënyrë që ai të votojë kundër shkarkimit të kreut të qeverisë.
Gashi theksoi se do të jetë i pari ai që do të votojë kundër në rast se ka fakte dhe argumente për këtë marrëveshje.
“Një element që po më duket shumë shqetësues, ju po i referoheni një marrëveshjeje për të cilën unë as ma të voglën ide s’e kam për marrëveshjen që po flisni, na bindni që është e rrezikshme, silleni në Kuvend. Publikoni ato fakte, je kryeministër, je ministër i Jashtëm keni përgjegjësi, jo vetëm fjalë, publikoni cilat janë ato fakte, unë i pari do të votoj kundër”,- u shpreh kreu i grupit parlamentar i LDK-së./Fjala.al/
