Nëse sot ke një hall, përtej koronavirusit, dhe duhet ndërhyrja e Policisë së Shtetit, është e pamundur që atë ta njoftosh nëpërmjet numrave të telefonit. Fluksi i telefonatave për autorizimet e automjeteve duket se ka nxjerr jashtë funksionit operatorët telefonikë në Polici.
112, që është numri general i Policisë, nuk funksionon. Nëse telefonon do të dëgjosh një mesazh të regjistruar në gjuhën angleze. E njëjta gjë edhe nëse telefonon numrin 129 dhe numrat e tjerë të vendosur së fundmi në dispozicion nga Drejtoria e Përgjithshme e Policisë së Shtetit.
Kjo situatë vijon prej ditësh, ndërsa asnjë masë nuk është marrë për të rikthyer linjat në normalitet.
