Megjithëse të dhënat mund të duken mjaft të larta, maja rasteve të diagnostikuara nuk është arritur akoma. Të dhënat e siguruara dje nga Ministria e Shëndetësisë së Spanjës pasqyrojnë një rritje prej gati 20% të numrit të rasteve të reja në një ditë më shumë se 6.500 të diagnostikuara, duke arritur në 39.673 të konfirmuara që prej shpërthimit të tij. Rreth 18.300 njerëz janë shtruar në spital, nga të cilët 2.636 janë në terapi intensive. 2,699 njerëz kanë vdekur, 514 në vetëm 24 orë.
Numri i viktimave në Spanjë duket se janë duke kaluar dhe Kinën e cila regjistronë 3,281 vdekje që prej shpërthimit të koronavirusit. Kreu i Qendrës për Koordinimin e Emergjencave dhe Alarmeve të Shëndetit, Fernando Simón, sqaroi, duke iu referuar rasteve të raportuara, se këto raste janë diagnostikuar me “vonesë“, në disa raste midis 7 dhe 10 ditësh pasi janë infektuar, kështu që “imazhi që shohim tani është një reflektim i asaj që ndodhi disa ditë më parë, për sa i përket transmetimit. ” Pra, maja e diagnostikimeve të reja, sipas ekspertëve, do të arrijë së shpejti.
Italia është vendi me numrin më të lartë të viktimave 6820 ndërsa Kina është në vendin e dytë me 3277.Kina ka regjistruar vetëm 7 viktima në 24 orët të fundit, Franca me 1100, Irani me 1934 dhe SHBA me 685 janë ndër vendet më të prekura në botë.
Numri i pacienteve të konfirmuar pozitiv me koronavirusin, COVID-19 në mbarë botën ka kaluar shifrën 400,000. Madje sipas të dhënave deri të martën në mbrëmje janë në total gjatë këtyre muajve 417,000 pacientë të infektuar, ndërsa numri i viktimave në mbarë botën ka shkuar në 18,650./Fjala.al
