Kisha e Varrit të Shenjtë në Jerusalem u mbyll të mërkurën për shkak të epidemisë së koronavirusit. Vendimi u mor pas një takimi të policisë izraelite dhe administratës së kishës, në përputhje me masat kufizuese të qeverisë mbi koronavirusin, tha zyrtari i kishës Wadi Abu Nassar.
“Vendimi si fillim u mor për një javë, megjithëse askush nuk e di sa do të zgjasë kriza,” tha Nassar.
Pashkët katolike janë më 12 prill dhe mijëra pelegrinë dhe turistë mund të priten në rrethana normale, por rrugët e Jerusalemit janë pothuajse plotësisht të shkreta këto ditë.
Ortodoksët festojnë Pashkën një javë më vonë, dhe Abu Nassar shpreson që autoritetet e kishës do të jenë në gjendje të bien dakord me autoritetet e shtetit për të lejuar një numër të kufizuar besimtarësh të marrin pjesë.
Masat kufizuese për kishën u futën një javë më parë kur priftërinjtë katolikë u urdhëruan t’u jepnin bashkësinë besimtarëve. Autoritetet lëshuan një urdhër për të mbyllur sinagogat dhe për të mbajtur lutje jashtë për deri në 10 njerëz.
Hebrenjtë ortodoksë i mbajtën lutjet në Murin e Vajtimit ndërsa myslimanët i mbajtën lutjet në kompleksin e xhamisë Al-Aksa.
