Koronavirusi prek Pentagonin, konfirmohet rasti i parë në ushtrinë amerikane

113 563 lexime

124,178FansaPëlqeje

Një marins amerikans, është bërë bartësi i parë i konfirmuar i koronavirusit brenda Pentagonit. Ushtria amerikane njoftoi se një ushtarak ndodhet në izolim, pasi rezultoi pozitiv këtë javë. Testi i oficerit për Covid-19 rezultoi pozitiv në fillim të kësaj jave, konfirmoi të mërkurën, zëdhënësja e Trupave te Marinës Amerikane Kapitene, Monika Uitm për “Defense One”.

Marinsi besohet të jetë prekur nga sëmundja vdekjeprurëse, që ka prekur 50 shtete amerikane nga bashkëshortja i tij, e cila kishte shfaqur simptoma të ngjashme me gripin. Ai ishte i përfshirë në zbatimin e planeve, policore dhe operacionale të Trupës së Marinsave.

Hera e fundit që oficeri kishte qënë në Pentagon ishte më 13 mars, dhe që nga ajo ditë ai ka qëndruar në izolim duke pritur përgjigjen e testit. Qëkur filloi të mos ndjehej mirë, marinsi “kontaktoi personelin spitalor të ushtrisë” tha Uit, duke nënvizuar se edhe vendi i punës së oficerit të infektuar është dezinfektuar tashmë.

Ndërkohë, ka nisur një hetim “i plotë” për të zbuluar kontaktet e fundit të oficerit, pasi ai padashur mund të ketë ekspozuar të tjerët ndaj virusit, që tashmë ka infektuar mbi 68 mijë njerëz vetëm në SHBA.

Ndërkohë, që ky është rasti i parë i bërë i ditur me koronavirus në Marinën Amerikane, që prek edhe Departamentin Amerikan të Mbrojtjes, ky rast mund të mos jetë e fundit, pasi disa anëtarë të stafit po presin ende të marin përgjigjet e testit të tyre.

Një nga ata që dyshohet se mund të jetë prekur me Covid-19, është edhe një komandant i Qendrës Kombëtare të Ushtrisë Amerikane në Pentagon – e cilësuar shpesh si ‘Dhoma e Luftës’ – nga ku mund të urdhërohen sulmet bërthamore.

Lexo edhe :  Çfarë ndodhi?/ Berisha mbledh urgjentisht drejtuesit e qarqeve, ja arsyeja

Përpara një jave, Sekretari i Mbrojtjes Mark Esper kufizoi dhe shtërngoi masat për hyrjen në godinën e Pentagonit, duke e rritur statusin e mbrojtjes shëndetësore në nivelin e dytë më të lartë. Megjithëse fluksi i njerëzve në selinë qëndrore të ushtrisë amerikane është zvogëluar, “Defense One” ka raportuar duke iu referuar një njoftimi të brendshëm, se 30 për qind e punonjësve të saj do të vazhdojnë të shkojnë në punë.

Ushtria amerikane ka dhënë alarmin për përhapjen e shpejtë të virusit, dhe potencialin e tij për të minuar gatishmërinë luftarake. Kërcënimi viral ka ndërprerë shumicën e operacioneve jashtë SHBA-së, me Esper që të mërkurën ka urdhëruar të gjitha trupat amerikane të ndalin të gjitha udhëtimet për 60 ditë, përveç Afganistanit, ku tërheqja e kontigjentit amerikan vazhdon ende.

Pandemia i ka dhënë gjithashtu një goditje të rëndë “Defender Europe 2020”, stërvitjes ushtarake të NATO-s, që duhej të përfshinte 20.000 ushtarë amerikanë, ku pjesa më e madhe e ushtrimeve do të zhvillohej përgjatë muajve prill dhe maj.

Ndërkohë që stërvitja nuk është anuluar e gjitha, pjesëmarrja e SHBA-së u reduktua “në mënyrë drastike” dhe vetë stërvitja – e cilësuar si dislokimi më e madh i ushtarëve amerikanë në Evropë në mbi 25 vjet – e ka reduktuar ndjeshëm axhendën e saj.

S.T

Të fundit

Mbi 7 mijë vizitorë në vit, Llixhat e Elbasanit shtojnë turizmin kurativ

Banjat e Elbasanit, të njohura ndryshe edhe si llixhat, nga vit në vit po tërheqin gjithnjë e më shumë...

“Kisha është e plagosur”/ Papa Leo XIV u drejtohet priftërinjve: Jini të besueshëm

Në mesazhin e tij në Meshën për shugurimin e njëmbëdhjetë priftërinjve të rinj të dioqezës së Romës, Papa Leo XIV i kërkoi të gjithë...

Sali Berisha dhe Ilir Meta koalicion?/ Ja përgjigja e Kreut të PD

Kreu demokrat tha se Meta, të cilin e cilëson të burgosur politik, ka të drejtë të bëjë zgjedhjen e vetë. Ai tha se koalicioni...

Media britanike: Vizitoni Vlorën, qytetin idilik bregdetar në Rivierën Shqiptare

Ekzistojnë shumë arsye pse turistët britanikë kanë një dashuri të madhe për plazhet e Mesdheut, shkruan Kristina Beanland në të përditshmen britanike “Metro”. Por, hulumtimet...

Helmimi në Gramsh, Stroni: Duhet hetim epidemiologjik

Mjeku infeksionist, Gent Stroni thotë se salmonela e gjendur në ushqimin në një kopsht në Gramsh, ka qenë në sasi të madhe, pasi u...

Lajme të tjera

Web TV