Në kohën kur koronavirusi është duke vrarë njerëz në vende të ndryshme të botës, ku një ndër vendet më të prekura është Spanja, policia spanjolle ka bastisur një bordello ku gjeti gjashtë persona burra dhe gra të cilët dyshoheshin se po kryenin orgji.
Policia në kryeqytetin spanjoll konfirmoi se gjeti personat në një banesë – e dyshuar si bordello-duke marrë pjesë në një festë seksi, shkruan Daily Mail.
Sipas mediave spanjolle, disa fqinj në ndërtesë lajmëruan policinë pasi njerëzit që hynin dhe dilnin nga bordelloja lëshonin muzikë me zë të lartë.
Pas njoftimit, policia hyri në banesë dhe gjeti katër gra dhe dy burra të zhveshur në një korridor me tre dhoma gjumi. Autoritetet lokale gjetën gjithashtu pije alkoolike dhe pjesë cigaresh në të gjithë banesën, raportojnë media lokale.
Policia raportohet të dyshonte se shtëpia funksiononte si një bordello pasi vetëm njëra nga gratë ishte regjistruar si qiramarrëse në të.
Gjithashtu, autoritetet lokale paraqitën një ankesë kundër qiramarrësit për shkeljen të rregullave kundër ndotjes së zhurmës.
Pesë të ftuarit e tjerë u raportuan gjithashtu për thyerjen e karantinës së deklaruar nga qeveria kombëtare për të ndaluar përhapjen e COVID-19, ndërsa raportohet se nuk ka asnjë të arrestuar.
