Shtetet e Bashkuara kërkojnë arrestimin e presidentit të Venezuelës, Nicolas Maduro, pasi ai akuzohet për trafik droge.
Uashingtoni zyrtar ka ofruar 15 milionë dollarë për të gjithë ata që ofrojnë informacione që do të çonin në arrestimin e tij.
Ishte Prokurori i Përgjithshëm, William Barr ai i cili bëri të ditur kërkesën e SHBA-ve për arrestimin e Maduros.
Përveç Maduros, SHBA akuzon edhe zyrtarë të tjerë të lartë në qeverinë e Venezuelës, ndërsa ka ofruar një shpërblim të majmë për arrestimin e tyre.
“Populli i Venezuelës meriton një qeveri transparente, të përgjegjshme dhe përfaqësuese që i shërben popullit të tyre dhe nuk ndërhyn në trafikun e drogës. Këta individë shkelën besimin e publikut kur ndihmuan në shpërndarjen e lëndëve narkotike nga Venezuela, përfshirë aeroplanët që fluturonin nga bazat në Venezuelë”, thekson në njoftimin e tij Departamenti Amerikan i Shtetit.
Ndërkaq SHBA mbështet Juan Guaidon, i cili u shpall president i Venezuelës vitin e kaluar.
