Deputeti i opozitës së re parlamentare Adriatik Alimadhi, i cili bëri të ditur ditën e sotme se ishte prekur me koronavirus, do të dërgohet me urgjencë drejt Spitalit Infektiv në QSUT.
Megjithëse bashkëshortja e tij është shprehur se gjendja e deputetit është e stabilizuar, Alimadhi pritet të dërgohet pranë Spitalit Intensiv.
Alimadhi është shprehur për “Abc News, se dërgimi i tij në spital po bëhet pasi ka reaguar kryeministri dhe ministrja e Shëndetësisë.
Ky reagim sipas Alimadhit ka ardhur pas statusit të bërë në rrjetet sociale, ditën e sotme. Tashmë gjendja e deputetit do të monitorohet nga mjekët tek Spitali Infektiv.
Deputeti lajmëroi sot se ai dhe bashkëshortja janë të infektuar me koronavirus. Në reagim, Alimadhi akuzonte kryeministrin Rama për mungesën e infrastrukturës në spitale dhe për autoambulancën e rrënuar, e cila e kishte çuar për në Sanatorium ku edhe bëri analizat.
