Një djalë 5-vjeçar nga West Virginia të Shteteve të Bashkuara ndërroi jetë të premten, dy ditë pasi u paraqit në spital me mavijosje, trauma serioze të kokës dhe një carje të madhe në organin gjenital.
Po atë ditë, tre personat të cilëve iu besua 5-vjeçari Keaton Boggs pasi babai i tij vdiq qershorin e kaluar u arrestuan dhe u akuzuan për vrasje.
Peter Wodzinski, 32 vjeç, gruaja e tij Chasity Wodzinski, 29 vjeç dhe nëna e saj Michelle Boggs, 48 vjeç, tani janë pas hekurave.
Policia tha javën e kaluar se djali, Keaton, kishte jetuar me të tre që nga vera e kaluar. Chasity dhe Michelle ishin përkatësisht tezja biologjike e djalit dhe gjyshja, ndërsa Pjetri ishte xhaxhai i tij.
Besohet se gjatë këtyre muajve i mituri është dhunuar sistematikisht nga çifti dhe gjyshja. Me të mbërritur në spital, stafi mjekësor ka njoftuar policinë, për shkak të natyrës së lëndimeve që djali kishte pësuar.
Besohet që trauma e kokës së 5 vjeçarit ishte aq e rëndë, sa që kishte shkaktuar gjakderdhje në tru. Megjithatë tre të akuzuarit pretendojnë se këto lëndime ishin aksidentale dhe nuk ishin shkaktuar prej tyre. Tashmë treshja do të përballet me 15 vite burg për këtë krim dhe aktualisht ndodhen në burgun rajonal në veri të qytetit./The Sun
