Mediat italiane raportojnë për një marrëveshje midis Tiranës dhe Romës për të dërguar në vatrën e virusit në Itali, në Bergamo, 30 mjekë shqiptarë. Mjekët shqiptarë do u vijnë në ndihmë kolegëve italianë, të cilët po përballen prej më shumë se një muaj me tragjedinë që po shkakton COVID-19.
Sipas këtyre raportimeve, marrëveshja është arritur midis Luigi Di Maio, ministër i Jashtëm i Italisë, dhe kryeministrit Edi Rama, ndërkohë që Di Maio pritet t’i presë vetë në aeroport mjekët shqiptar pasditen e kësaj të shtune.
Shqipëria bëhet shteti i radhës pas Kinës, Rusisë dhe Kubës, që dërgon mjekë për të shpëtuar italianët nga koronavirusi.
66.414 është numri i personave të infektuar në Itali nga COVID-19, ndërsa 9.134 njerëz kanë humbur jetën.
