Presidenti i UEFA-s, Aleksandër Ceferin iu është përgjigjur kritikëve që thanë se ndeshja midis Atalantës dhe Valencias për Champions League me dyer të hapura, në një kohë kur koronavirusi ishte përhapur frikshëm në Itali, ishte e barabartë me një “bombë biologjike”.
Në një intervistë për “Repubblica”, Ceferin tha se këto kritika janë idiote dhe se në atë kohë askush nuk e dinte që Lombardia ishte epiqendra e virusit.
“Kam dëgjuar kritika idiote në lidhje me ndeshjen që u luajt në Milano. Më 19 shkurt askush nuk e dinte se Lombardia do të ishte qendra e epidemisë. Nuk jemi ne autoriteti për të thënë nëse luhet ose jo në raste të tilla. Ka autoritete të tjera. Ndeshja e kthimit? Kur u zhvillua, kampionatet po luheshin kudo në Europë dhe ajo u luajt me dyer të mbyllura. Pastaj tifozët u mblodhën përapra stadiumit dhe aty juridiksioni ishte i autoriteve spanjolle”.-u shpreh kreu i qeverisë evropiane të futbollit./Fjala.al/
