Kreu i qeverisë, Edi Rama ka publikuar grafikun që tregon se si po përhapet koronavirusi në Shqipëri, vendet e rajonit dhe atyre të botës.
Ai kërkoi nga qytetarët që të bëjnë rezistencë në këtë situatë në mënyrë që pasojat të jenë sa më vogla.
“Rezistencë, rezistencë rezistencë”, tha kryeministri, ndërkohë që autoritetet shtetërore kanë vendosur masa drastike për kufizimin e lëvizjes.
“Sa më fort të shtrëngohemi dhe rezistojmë sot, aq më e butë do jetë ngjitja e shigjetës së kuqe, aq më pak viktima e plagë të rënda do te kemi dhe aq më shpejt mund të fillojmë të dalim, pak nga pak, nga ky rrethim i hekurt në mbrojtje”, deklaroi sot Kryeministri Edi Rama.
Sipas grafikut të publikuar nga kreu i qeverisë duket se deri tani kurba e koronavirusit në Shqipëri po rritet me ritme më të ngadalta se në vendet e tjera.
