UEFA ka bërë me dije se të mërkurën do të organizojë një mbledhje me 55 federatat e saj për të bërë përmbledhjen e situatës pas ndalesës totale të detyruar nga emergjenca e koronavirusit.
Në rend kryesor të ditës parashikohet një përditësim në proceset e bëra nga dy grupet e punës të krijuara dy javë më parë dhe shqyrtimi i opsioneve për të riprogramuar ndeshjet.
Kjo konferencë do të shqyrtojë dhe zhvillimet në të gjitha veprimtaritë e UEFA-s për klubet dhe kombëtaret dhe do t’i vlerësojë sipas nivele të FIFA-s dhe ato europiane çështjet e kontratave të lojtarëve si dhe sistemin e transferimeve.
Duke parë që fatet e Champios dhe Europa League varen thelbësisht nga veprimtaritë kombëtare mundësitë nuk duken të shumta. Presidenti i UEFA-s, Aleksandër Ceferin, ishte shprehur se ishte i gatshëm të kryente dhe një mbivendosje të eventeve nëse kjo do të shërbente për të shpëtuar sezonin, pra që ndeshjet e kampionatit dhe Kupat e Europës të luhen në të njëjtat mbrëmje.
Rruga që sheh fillimisht përfundimin e veprimtarive kombëtare dhe më pas zhvillimin e ndeshjeve të mbetura europiane, rrezikohet të shtyhen shumë më tej në kohë./Fjala.al/
