Situata e krijuar nga koronavirusi ka bërë që në Spanjë të vendoset edhe një datë e fundit për rifillimin e ndeshjeve nëse do të ketë qetësim të gjendjes, në të kundërt çdo kampionat do të mbyllet.
Data e fundit për të rinisur ndeshjet është vendosur 27 qershori, por nëse deri atëherë nuk stabilizohet gjendja në vend prej koronavirusit, atëherë rrezikohet që sezoni 2019-2020 të pezullohet.
Sipas raportimeve të mediave spanjolle mësohet se drejtuesit e klubeve të La Ligas po shqyrtojnë gjithashtu mundësinë që në rast se sezoni veror ngadalëson ritmin e përhapjes së koronavirusit, atëherë ky sezon mund të zgjatet deri në korrik ose gusht.
Ritherksojmë se Spanja është shteti i dytë më i goditur nga koronavirusi pas Italisë, ku bilanci i viktimave ka arritur në 8269 të vdekur deri në këto momente./Fjala.al/
