Dita e Gënjeshtrave (1 prill) është një traditë e përvitshme në të gjithë botën, ku njerëzit dhe brandet nuk ngurrojnë të bëjnë rrengje. Por këtë vit, teksa pandemia Covid-19 ka gjunjëzuar tërë botën, disa kompani po i rishikojnë batutat e tyre.
Google tha se do të heqë dorë nga rituali i saj vjetor i shpërndarjes së shakasë së paramenduar nëpër platformat e kompanisë, në shenjë respekti ndaj të gjithë atyre që po luftojnë ndaj Covid-19, sipas një emaili të brendshëm të siguruar nga Business Insider.
Kompanitë gjigante e përdorin Ditën e Gënjeshtrave si një mundësi marketingu për të bërë reklama me shaka virale. Mirëpo, duket se numri i lartë i të infektuarve dhe të vdekurve nga pandemia Covid-19 ka sjellë sensibilizim tek njëra prej tyre.
Sakaq, teksa shtohen rastet me koronavirus, mashtrimet dhe dezinformatat në formën e teorive veçse rriten në numër. Risjellim në vëmendje se Google, Facebook dhe Twitter janë bashkuar për të ndihmuar në luftimin e përhapjes së lajmeve të rreme nëpër platformat e tyre.
Lexo edhe:
Fjala.al
