Izolimi nga koronavirusi duket se nuk po e ndalon djalin e ri Jeremy Cohen që t’i fitojë zemrën vajzës që pëlqen.
Fotografi romantik me bazë në New York nuk ka fituar vetëm dashurinë e fqinjës së tij Tori, por edhe të gjithë ndjekësi në mediat sociale që kanë klikuar mbi 8 milionë herë videon e tij.
Kjo është për shkak se 28-vjeçari filmoi veten duke realizuar një takim të pazakontë me fqinjën e tij, pasi i dërgoi me dron numrin e telefonit. Ishte kupidi i dashurisë që shigjetoi dy të rinjtë, ndërsa ndodheshin në karantinë.
Rastësisht Jeremy pa fqinjën e tij me emrin Tori, të kërcente në ballkonin ngjitur, dhe menjëherë pati një shkëndijë dashurie. Ai filloi ngacmimet e tij, ndërsa Tori i dha numrin e telefonit dhe filluan bisedat e gjata me FaceTiming.
“Unë isha duke punuar në një seri fotografish nga banesa ime, në çatinë e shtëpisë time. Në këtë moment vura re Torin duke vallëzuar. Ne shkëmbyem shikimet me njëri-tjetrin dhe unë ndjeva diçka..doja të lidhesha me të. Në këtë moment shkruajta numrin tim dhe ja dërgova me dron asaj. Isha pak nervoz…Dita jonë e parë kaloi për mrekulli, ne po njihemi dhe është mjaft e lehtë të bisedosh me të.”- u shpreh Jeremy Cohen.
Me restorantet në Neë York-ut të mbyllura, Cohen projektoi një darkë dixhitale. Ai hëngri një darkë nga ballkoni, ndërsa Tori në çatinë e saj. Të veshur me të bardha dhe me lule në tavolinë, secili shijoi darkën e shtruar në tryezat e tyre, ndërsa bisedonin së bashku nga distanca.
Në një seri klipesh të postuara fillimisht në TikTok, Jeremy Cohen dokumentoi daljet e tij të me fqinjin që i kishte rrëmbyer zemrën, të cilat i quajti “karantinë e lezetshme”.
