Ish-futbollisti i njohur Ashley Cole ka kaluar çaste tmerri pasi është sulmuar nga një grup hajdutësh të cilët sulmuan shtëpinë e tij.
Hajdutët e lidhën 39-vjeçarin në karrige dhe më pas i vodhën sende me vlerë të majme.
“Ishte një përvojë e tmerrshme. Grabitësit duhet të kenë qenë profesionistë dhe e dinin saktësisht se çfarë bënin. Ata duhet ta kenë ndjekur Ashley Cole ”, tha një burim i “The Sun”.
Disa fqinjë konfirmuan se ishin marrë në pyetje nga policia në lidhje me grabitjen, teksa hetimet po vazhdojnë.
Ashley Cole u tërhoq nga futbolli i luajtur sezonin e shkuar, teksa e mbylli karrierën e tij te skuadra e Derby County.
