Bashkia Tiranë jep lajmin e mirë se do të anulohen qiratë për muajin mars dhe prill për të gjitha apartamenteve, banesave sociale që jepen me qira nga Bashkia.
Lajmin e ka konfirmuar vetë kryetari i bashkisë Tiran, Erion Veliaj i cili ka vijuar edhe sot me shpërndarjen e ndihmave ushqimore në Ibë e Sipërme dhe Pëllumbas, dy prej zonave më të largëta të Tiranës.
“Është shumë e rëndësishme që njerëzit ta kuptojnë se kjo epidemia nuk do të na ndalojë nga sfida e tërmetit. Në fakt, ajo që do të bëjmë sot në Tiranë me mbledhjen e Këshillit Bashkiak është se do të anulojmë të gjitha qiratë e apartamenteve që jep me qira Bashkia, si banesa sociale, per strehat e emergjencës për muajt mars dhe prill. Sigurisht, Bashkia është shtet dhe mund ta bëjë pa pyetur njeri, ndërkohë që edhe privati mund ta ndjekë si shembull. Në qoftë se e bëjnë të gjithë, do jetë një supershembull, sepse i thotë tjetrit, dyqani s’ka punuar, lokali s’ka punuar, zyra s’ka punuar, për çfarë ta marr qiranë?!”, theksoi Veliaj.
