Kryetarja e grupit parlamentar të opozitës, Rudina Hajdari vijon të mbajë premtimin e dhënë për të ndihmuar disa familje në nevojë në këtë situatë alarmante ndaj Covid-19.
Me anë të një mesazhi në Facebook , Hajdari deklaron se ka zgjedhur disa familje në Zonën e Laprakës, duke shkuar vetë pranë tyre.
Një ditë më parë ajo ndihmoi 5 familje në zonën e Laprakës, por sot ajo deklaron se 8 familje morën pako ushqimore
“Vazhdon puna për të ndihmuar familjet që janë në nevojë në këtë periudhë të vështirë.
Sot, jo 5 por 8 familje morën pako ushqimore.
Qëndroni në shtëpi, bashkë do t’ia dalim”, shkruan Hajdari në Facebook.
Kujtojmë se vetëm dy ditë më parë Hajdari deklaroi se do të ndihmonte të paktën 5 familje në ditë, ajo iu bëri thirrje atyre qytetarëve që kanë nevojë për ushqime që t’i shkruajnë në inbox.
