Pas përhapjes së koronavirusot, kinezët e qytetit Shenzhen nuk do të hanë më mishin e maces, gjarprit, bretkosës dhe breshkës dhe të qenit. Këtë herë kjo gjë do të ndalohet me ligj. Sipas Dailymail, kjo masë është marrë për minimizimin e përhapjes së Covid-19, virus i cili deri më tani ka ardhur nga kashët.
Aktivistët e kafshëve e kanë mbështetur gjithashtu këtë nismë dhe legjislacioni u miratua dje nga ligjvënësit në Shenzhen, një qytet me rreth 13 milion banorë, dhe do të hyjë në fuqi më 1 maj, sipas një njoftimi të qeverisë.
Festivali vjetor i mishit të qenit është një nga festivalet më të njohur të ushqimit në Kinë. Gjatë asaj periudhe nëpër rrugët e Kinës shihje mijëra qen të vrarë, që më pas konsumoheshin nga vendasit. Tashmë ligji e ndalon këtë gjë dhe kjo është nisma e parë e këtij lloji që ndërmerret në Kinë.
Ndërkohë COVID-19 vijon të jetë një kërcënim për të gjithë botën. 47,249 kanë humbur jetën deri më tani në të gjithë globin, ndërsa 936,204 të tjerë janë të infektuar.
