Kryeministri Edi Rama ka thënë sot se pavarësisht se ekonomia është duke rënë, si ajo personale, por edhe ajo e vendit, rëndësi nuk ka ky fakt.
Gjatë një komunikimi live në “Facebook”, Rama ka thënë se nëse ekonomia do të rritet sërish, të vdekurit nuk mund të ringjallen më.
Ndaj, ai iu ka bërë sërish thirrje qytetarëve shqiptarë që të qëndrojnë brenda e të mbrojnë të afërmit e tyre dhe të gjithë së bashku të mbrojnë Shqipërinë.
“Ekonomia bie, por ekonomia rritet, por të vdekurit nuk ringjallen. Ndaj misioni ynë si individë, si fëmijë, si shqiptarë është që të mbrojmë këdo që kemi përreth dhe të gjithë së bashku të mbrojmë Shqipërinë.
Është e vërtetë që jetesa ekonomike do jetë shumë e vështirë, por rëndësi ka jeta e njerëzve.”-tha ndër të tjera kreu i qeverisë./Fjala.al/
