Tri javët e fundit e kanë vendosur botën përballë një sprove të madhe. Përgjigja e qeverive në vende të ndryshme të botës ka qenë se njerëzit duhet të ruajnë distancimin social, të vetizolohen dhe të mbahen nën mbikëqyrje të moshuarit. Por, kanë ngecur tek gjetja e kurës për të trajtuar koronavirusin.
Për këtë duhet të përgjigjen kompanitë farmaceutike. Ato e kanë çelësin që i jep fund pandemisë së koronavirusit.
Ky është konstatimi që bën profesor Ara Darzi, kirurg dhe drejtor i Institutit të Inovacionit të Shëndetit në ‘Imperial College London’ në Mbretërinë e Bashkuar.
Megjithatë, në një aspekt jetësor, sjellja e kompanive farmaceutike është si ajo e supermarketeve që secili kërkon të shesë për vete.
Strategjia e daljes nga kriza që ka prodhuar koronavirusi varet nga zhvillimi i një vaksine efektive. Po bëhet një përpjekje e madhe për të gjetur një vaksinë të tillë, por njerëzit nuk mund të presin edhe 18 muaj që të gjendet vaksina.
Ndërkohë që numri i vdekjeve rritet, mjekët kërkojnë mes dëshpërimit trajtimet që do të zvogëlonin ndikimin e virusit, duke zvogëluar infeksionin, agresivitetin e tij që në atë mënyrë të shpëtojnë jetë.
Tani kemi hyrë edhe një gjueti globale për të gjetur ilaçin kundër koronavirusit. Jemi edhe në luftë me kohën.
Mënyra më e mirë për të identifikuar ilaçet kundër koronavirusit është përdorimi i inteligjencës artificiale (AI) për të grumbulluar sasi të mëdha të të dhënave për të gjetur kombinacionet që mund të funksionojnë.
Kompanitë e mëdha të Inteligjencës Artificiale e kanë vendosur kapacitetin e tyre në shërbim të kësaj gjuetie. Por ato pengohen nga kompanitë farmaceutike, pasi këto të fundit nuk duan të ndajnë të dhënat dhe informacionet mes njëra-tjetrës, që mund të na çojë në gjetjen e ilaçit ndaj koronavirusit.
Ato nuk i ndajnë me njëra-tjetrën pasi i cilësojnë këto të dhëna si tepër sekrete. Tani kemi nevojë urgjente që të gjitha kompanitë farmaceutike të lënë mënjanë ambiciet e tyre tregtare dhe të bashkohen në një përpjekje unike për të identifikuar, testuar, zhvilluar dhe për të ndaluar koronavirusin./ Përshtati nga ‘The Guardian’ për Fjala.al, B. Quku
