Deri më tani, rreziku i grave shtatzëna nuk është më i madh sesa për çdo njeri tjetër. Por duhet patur parasysh që nuk ka shumë studime duke qenë që Covid-19 është një virus mjaft i ri.
Është shumë shpejt për të folur për pasojat e këtij virusi tek të porsalindurit, por nga një studim nga ‘The Lancet’, dimë që foshnjet e lindura nga nëna të infektuara fatmirësisht nuk kanë qenë pozitiv me Covid-19.
Epidemiologu i ‘Northwestern University’, Wei Zhang ka deklaruar që nuk ka asnjë rast ku nëna ia kalon virusin drejtpërdrejt foshnjës.
Përfaqësues të mjekësisë të Organizatës Botërore të Shëndetit, kanë këmbëngulur që nëse nëna zbulon se është e infektuar mund të vazhdojë të ushqej foshnjën me gji por duhet të marri masa. Kjo sepse dhënia e gjirit dhe kontakti me nënën forcon sistemin imunitar të foshnjës.
Pra gjidhënia dhe kontakti me foshnjet jo vetëm që nuk duhet ndaluar, por është një mënyrë e cila e lejon nënën ta mbroj beben nga infeksionet apo viruset.
Mjekët po tregohen shumë të kujdesshëm duke bërë vetëm vizita të nevojshme me gratë shtatzëna dhe në momentin e lindjes nuk po lejojnë asnjë vizitor, perfshirë edhe babain e foshnjës, në ambjentet e spitalit për të shmangur rreziqe të panevojshme.
Nënat shtatzëna, si të gjithë ne, duhet të kemi shumë kujdes për higjenën personale dhe të praktikojmë distancimin social për të shmangur virusin dhe gjithashtu për të pasur foshnjën e shëndetëshme në krahët e tyre.
